لەو بوارەوە، سەعدەددین سەدیقی، بەرپرسی لیژنەی چاودێری و هەڵسەنگاندنی کاروبار، لە ڕۆژانی سێشەممە، چوارشەممە و پێنجشەممە، ۲۴ تاکوو ۲۶ی پووشپەڕی ۱۴۰۴، بەشێوەی جیا لەگەڵ بەرپرسی کارگێڕیی ناوەندی و بەرپرسانی جێگریی کولتووری کۆمەڵایەتی، ئافرەتان، فێرکاریی پەروەردەیی، ئیداری ماڵی و قوتابیانی زانکۆیی چاوپێکەوتن و وتووێژی کرد.
لەو دانیشتنانەدا، چەند ڕاپۆڕتێک لە کارانی جێبەجێکراو لە نیوەی یەکەمی ساڵی ۱۴۰۴، گرفتەکان، بەرنامەکانی داهاتوو و بەربەستەکانی سەرڕێ ئاراستە کران و سەبارەت بە ڕێکارەکانی باشتربوونی پێکهاتەکان و بەرزکردنەوەی چۆنییەتی کارکرد، وتووێژ کرا.
هەروا تاوتوێی دۆخی ئێستای وڵات و کۆمەڵگا لە تەوەرەکانی بەرباسی تری ئەو چاوپێکەوتنانە بوو.
ئەو کۆبوونەوانە بە بەڵگە لەسەر ماددەی ۵ی ئاییننامەی لێژنەی چاوەدێری بەڕێوە چوون؛ ئەو ماددەیەی کە جەخت دەکاتە سەر بەباشی بەڕێوەچوونی ناوەڕۆکی مەرامنامە و ئەساسنامە، هەڵسەنگاندنی کاریگەریی ناوەندەکان، جێگیرکردنی وەڵامدەری و شیکاری.
سەعدەددین سددیقی لەو دانیشتنانە ئامانجی لە بەڕێوەبردنیان پتەوکردنی هەڵسوکەوتی ڕێکخراوەیی، گەشەی کولتووریی چاوەدێری، پەیدۆزیی کاریگەری ئەرکی جێگران هەژمار کرد و جەختی کردە سەر پێویستیی بەردەوامبوونی هەڵسەنگاندنی شارەزایانە و بەرزکردنەوەی پێوەرە کارامەکان لە پێکهاتەی ناوەندیی جەماعەت.
ئەو دانیشتنانە بەشێک لە ڕەوتێکی تەکووزی هەڵسەنگاندنی کارکردی ناوخۆی ڕێکخراوەیی جەماعەت بوو و بە وتەی بەرپرسان، لە درێژەشدا دانیشتنی تری هاوبەشی لێژنەی چاوەدێریی ناوەندی لەگەڵ شاندەکانی پارێزگایی بەڕێوە دەچێت